„იყავი შენი ქვეყნის ახალგაზრდა ელჩი“ - გამარჯვებულები გამოვლინდნენ
სსიპ - განათლების საერთაშორისო ცენტრის მიერ „საქართველოს ახალგაზრდა ელჩების პროგრამის“ ფარგლებში გამოცხადებულ კონკურსში - „იყავი შენი ქვეყნის ახალგაზრდა ელჩი“ - გამარჯვებულები გამოვლინდნენ. სსიპ - განათლების საერთაშორისო ცენტრის, დიასპორის საკითხებში საქართველოს სახელმწიფო მინისტრის აპარატისა და საქართველოს საგარეო საქმეთა სამინისტროს შორის გაფორმებული სამმხრივი მემორანდუმის საფუძველზე 2016 წელს პროგრამას განახორციელებს დიასპორის საკითხებში საქართველოს სახელმწიფო მინისტრის აპარატი, ხოლო განათლების საერთაშორისო ცენტრი უზრუნველყოფს საგრანტო კონკურსის ფარგლებში გამარჯვებული კონკურსანტები დაფინანსებას.
პროგრამის მიზანს წარმოადგენს „ახალგაზრდა ელჩების“ ადგილსამყოფელ ქვეყნებში საქართველოს პოპულარიზაცია, საქართველოს ახალგაზრდა მეგობართა ქსელის შექმნა და ქართული დიასპორის წარმომადგენლებთან ურთიერთობა.