საკონსულტაციო ფეისბუქ-ლაივი უნგრეთის სასტიპენდიო კონკურსით დაინტერესებულთათვის

2022 წლის 15 ნოემბრიდან დაიწყო განაცხადების მიღება უნგრეთში სასტიპენდიო პროგრამის ,,Stipendium Hungaricum’’-ის ფარგლებში. პროგრამას განათლების საერთაშორისო ცენტრი უნგრეთის საელჩოს მხარდაჭერით 2017 წლიდან უწევს ადმინისტრირებას.

1 დეკემბერს, ხუთშაბათს, 13:00 საათზე, სსიპ განათლების საერთაშორისო ცენტრის ოფიციალურ გვერდზე სოციალურ ქსელში ჩაირთვება ლაივ-ვიდეო პროგრამით დაინტერესებულთათვის.

,,ლაივის’’ მიმდინარეობისას ცენტრის პროგრამული სამსახურის წარმომადგენლები დეტალურად განმარტავენ სასტიპენდიო კონკურსის პროცედურებს და უპასუხებენ კონკურსანტების შეკითხვებს.

პროგრამებით დაინტერესებულ აპლიკანტებს ასევე შეუძლიათ ონლაინ კონსულტაციის გავლა ფეისბუქ-გვერდისა და ელექტრონული ფოსტის info-iec@iec.gov.ge მეშვეობით. სამუშაო საათებში აქტიურია ცენტრის სატელეფონო საკონსულტაციო ხაზი - ნომერზე: 032 297 01 97. ხოლო ყოველ ხუთშაბათს, 14:00 საათიდან 16:00 საათამდე კონსულტაციის გავლა შესაძლებელია სსიპ განათლების საერთაშორისო ცენტრში მისამართზე: თბილისი, ილია ჭავჭავაძის გამზირი N7, II სართული.