სასტიპენდიო პროგრამები ჩეხეთში
სსიპ - განათლების საერთაშორისო ცენტრმა გამოაცხადა ჩეხეთის სასტიპენდიო პროგრამა.
პროგრამა ხორციელდება საქართველოს განათლებისა და მეცნიერების სამინისტროსა და ჩეხეთის რესპუბლიკის განათლების, მეცნიერების, ახალგაზრდობისა და სპორტის სამინისტროს შორის გაფორმებული შეთანხმების საფუძველზე.
პროგრამა არის ბილატერალური და ხორციელდება ნაცვალგების პრინციპზე. შესაბამისად, საქართველოს მოქალაქეებს ჩეხეთში, ხოლო ჩეხეთის მოქალაქეებს საქართველოში ეძლევათ სწავლის გაგრძელების შესაძლებლობა მოკლევადიან კურსებზე.
განაცხადების მიღება საქართველოს მოქალაქეებისთვის ან პირადობის ნეიტრალური მოწმობის და/ან ნეიტრალური სამგზავრო დოკუმენტის მფლობელთათვის წარმოებს 2023 წლის 31 მარტის ჩათვლით, ხოლო ჩეხეთის მოქალაქეებისთვის - 2023 წლის 30 აპრილის ჩათვლით.
წარმოსადგენი დოკუმენტების, საკონკურსო ვადებისა და პროცესის შესახებ დეტალური ინფორმაცია იხილეთ მიმაგრებულ დოკუმენტში