• კონკურსში მონაწილეობის პირობები
• სავალდებულო მოთხოვნები
• დამატებითი მოთხოვნები
• შერჩევის პროცესი

კონკურსში მონაწილეობა შეუძლია საქართველოს მოქალაქეს, ან პირადობის ნეიტრალური მოწმობის ან/და ნეიტრალური სამგზავრო დოკუმენტის მფლობელ პირს, რომელიც აკმაყოფილებს პროგრამით განსაზღვრულ პირობებს:

•    - ფლობს ბაკალავრის აკადემიურ ხარისხს;
•    - ფლობს ინგლისური ენის შესაბამის დონეს, რომლითაც მას საშუალება მიეცემა ისწავლოს აშშ-ში, სამაგისტრო პროგრამაზე;
•    - განმცხადებელმა უნდა დააკმაყოფილოს აშშ-ს J-1 ვიზის მოთხოვნები, რომელიც ასევე მოიცავს, რომ სტიპენდიანტი სწავლის დასრულების შემდეგ უნდა დაბრუნდეს საქართველოში მინიმუმ 2 წლით;
•    - აშშ-ში სწავლის დაწყებამდე, განმცხადებელმა დამაკმაყოფილებლად უნდა გაიაროს სამედიცინო შემოწმება;
•  
• პროგრამაში მონაწილეობა არ შეუძლიათ:
•    - სტუდენტებს, რომლებიც უკვე სწავლობენ აშშ-ის ერთ-ერთ უნივერსიტეტში სამაგისტრო პროგრამაზე;
•    - მწვანე ბარათის, აშშ-ის ორმაგი მოქალაქეობის მფლობელებს ან სხვა პირებს, რომლებსაც სურთ აშშ-ში მუდმივი საცხოვრებლის მოპოვება სხვა გზით.
•  

სავალდებულო დოკუმენტაცია:

    -  სამი სარეკომენდაციო წერილი — ლექტორის, უნივერსიტეტის პროფესორ-მასწავლებლის ან სამუშაო ადგილიდან (ხელმძღვანელი პირისგან). (მონაწილეებმა რეკომენდატორები უნდა დაარეგისტრირონ ელექტრონულ სააპლიკაციო სისტემაში).

    -  დიპლომის ასლი საშუალო სკოლის შემდგომი ყველა საგანმანათლებლო დაწესებულებიდან და შესაბამისი თარგმანი ინგლისურ ენაზე;

    -  ნიშნების ფურცლის ასლი საშუალო სკოლის შემდგომი ყველა საგანმანათლებლო დაწესებულებიდან და შესაბამისი თარგმანი ინგლისურ ენაზე;

    -  CV/რეზიუმე - PDF ფორმატში, არ უნდა აღემატებოდეს 4 გვერდს.

I ეტაპი - აგვისტო: აშშ საელჩოს მიერ საკვალიფიკაციო და ფორმალური მოთხოვნების შემოწმება - მოცემულ ეტაპზე ფასდება, რამდენად აკმაყოფილებს წარმოდგენილი განაცხადი საკვალიფიკაციო და ფორმალურ მოთხოვნებს. განაცხადი, რომელიც არ აკმაყოფილებს საკვალიფიკაციო და/ან ფორმალურ მოთხოვნებს, არ გადადის შერჩევის მეორე ეტაპზე;

II ეტაპი - სექტემბერი: განცხადებების შინაარსობრივი შემოწმება. მოცემულ ეტაპზე  განაცხადი ფასდება შინაარსობრივად საკონკურსო კომისიის მიერ და ვლინდება გასაუბრების ეტაპზე გადასული განაცხადები

III ეტაპი - სექტემბერი/ოქტომბერი: მეორე ეტაპზე წარმატებული კანდიდატების გასაუბრება საკონკურსო კომისიასთან და ნახევარფინალისტების გამოვლენა. გასაუბრება ტარდება აშშ-ის საელჩოში.

საკონკურსო პროცესის თითოეული ეტაპის ადმინისტრირებას ახორციელებს აშშ-ის საელჩო საქართველოში, ხოლო საკონკურსო კომისია შედგება აშშ საელჩოს, სსიპ - განათლების საერთაშორისო ცენტრის, ფულბრაიტის ყოფილი სტიპენდიანტის, საქართველოს ბანკისა და Georgia Capital-ს წარმომადგენლებისგან.

2025 წლის ოქტომბერში ნახევარფინალისტებს მოეთხოვებათ ჩააბარონ შემდეგი ტესტები:

TOEFL:

•  - მინიმალური ქულა: 80 IBT (ან 550 PBT)
•  - რეკომენდებული ქულა: 100 IBT (ან 600 PBT)
•  - სავალდებულოა ყველა სპეციალობისთვის
•  - სამართლის მიმართულებით: მინიმალური ქულა — 100 IBT

GRE:

•  - სავალდებულოა ყველა მიმართულებისთვის, გარდა სამართლისა

GMAT:

•  - მხოლოდ MBA პროგრამისთვის

განაცხადების მიღება წარმოებს 2025 წლის 1 აგვისტომდე.

ფულბრაიტის სამაგისტრო პროგრამის ელექტრონული განაცხადი და ინფორმაცია პროგრამის შესახებ იხილეთ ბმულზე: https://ge.usembassy.gov/fulbright-graduate-student-program

IIE-ს რეკომენდაციის საფუძველზე კანდიდატების უნივერსიტეტებში განაწილების შესახებ საბოლოო გადაწყვეტილებას იღებს აშშ-ის სახელმწიფო დეპარტამენტის საგანმანათლებლო და კულტურის საკითხთა ბიურო (ECA). საბოლოო შედეგები კანდიდატებს ეცნობებათ 2026 წლის გაზაფხულზე.