20-21 ივლისს ბორჯომში განათლების საერთაშორისო ცენტრის ყოველწლიური კონფერენცია გაიმართა
განათლების საერთაშორისო ცენტრის ყოველწლიერი კონფერენცია მიზნად ისახავდა საერთაშორისო პროგრამების სხვადასხვა თაობის სტუდენტების შეხვედრასა და გაცნობას, მათი ურთიერთთანამშრომლობის ხელშეწყობას. შესაბამისად, კონფერენციაში მონაწილეობას იღებედნენ როგორც კურსდამთავრებული სტუდენტები, ასევე მიმდინარე გრანტის მფლობელი და 2015-16 სასწავლო წლის კონკურსის გამარჯვებული სტუდენტები.
ორდღიანი კონფერენციის განმავლობაში სტუდენტები გაეცნენ ცენტრის მიმდინარე პროგრამებსა და დაგეგმილ პროგრამულ ცვლილებებს, ახალ პროექტებსა და ინიციატივებს. კონფერენციის განმავლობაში გაიმართა საინფორმაციო სესიები 2015 წლის გამარჯვებული ახალი ნაკადისთვის და შეხვედრები კომისიის წევრებთან, სადაც სტუდენტებმა და კურსდამთავრებულებულებმა პროფესიული განვითარებისათვის საჭირო რჩევები მიიღეს და დასაქმების პერსპექტივებს გაეცნენ.
განათლების საერთაშორისო ცენტრმა სტიპენდიანტებს ორი დღის მანზილზე 5 სესია შესთავაზა. სესიების ფორმატი ითვალისწინებდა როგორც პრეზენტაციასა და პანელს, ასევე ჯგუფურ მუშაობას „ღია სივრცეში“ (Open Space Technology), სადაც განსახილველი საკითხის წამოჭრა და გამოცდილების გაზიარება თავად სტუდენტებს შეეძლოთ. კონფერენციის ერთ-ერთ სამუშაო სესიას საქართველოს პრემიერ-მინისტრი დაესწრო.