საჯარო განხილვა განათლების საერთაშორისო ცენტრში
2016 წლის 10 აგვისტოს, სსიპ - განათლების საერთაშორისო ცენტრის ინციატივით "საჯარო სამსახურის შესახებ" საქართველოს კანონის გარდამავალი დებულებებით გათვალისწინებული საქართველოს მთავრობის დადგენილების პროექტის საჯარო განხილვა გაიმართა. შეხვედრას სამინისტროების, სახელმწიფო და კერძო სასწავლო ცენტრებისა და უმაღლესი სასწავლებლების წარმომადგენლები ესწრებოდნენ.
სსიპ - განათლების საერთაშორისო ცენტრის აღმასრულებელმა დირექტორმა ნინო ჭელიძემ და დირექტორის მოადგილემ რატი ბრეგაძემ საჯარო განხილვის მონაწილეებს დეტალურად გააცნეს "საჯარო სამსახურის შესახებ" საქართველოს კანონით გათვალისწინებული „პროფესიული საჯარო მოხელის პროფესიული განვითარების საჭიროებების განსაზღვრის წესის, პროფესიული განვითარების სტანდარტისა და წესის დამტკიცების შესახებ“ საქართველოს მთავრობის დადგენილების პროექტი. პროექტის გარშემო დისკუსია გაიმართა, შეხვედრის მონაწილეებმა საკუთარი შენიშვნები და მოსაზრებები გამოთქვეს, მათი ნაწილი პროექტის ავტორებმა გაიზიარეს. უახლოეს მომავალში საქართველოს დადგენილების პროექტი განსახილველად საქართველოს მთავრობას წარედგინება.