გასაუბრება მესამე ეტაპზე გადასულ კონკურსანტებთან

განათლების საერთაშორისო ცენტრის 2016-2017 სასწავლო წლისთვის საზღვარგარეთ სამაგისტრო და სადოქტორო პროგრამებსა და სახელმწიფო დაწესებულებაში დასაქმებულ პირთათვის კვალიფიკაციის ამაღლების პროგრამების კონკურსის მესამე ეტაპი დაიწყო. გასაუბრებები 5 ივლისიდან 11 ივლისის ჩათვლით  მთავრობის ადმინისტრაციის შენობაში მიმდინარეობს.

სასტიპენდიო კონკურსის კომისიის წევრები კონკურსანტს გასაუბრების დროს ინდივიდუალურად და ერთმანეთისგან დამოუკიდებლად ანიჭებენ ქულებს. აღნიშნული  კომისია საჯარო და არასამთავრობო სექტორის წარმომადგენლებისგან შედგება.

2016-2017 სასწავლო წლისათვის სასტიპენდიო პროგრამის ფარგლებში პრიორიტეტულად განისაზღვრა შემდეგი პროგრამული მიმართულებები/სპეციალობები:

• აგრარული მეცნიერებანი;
• განათლება;
• ინჟინერია;
• მეცნიერება/საბუნებისმეტყველო მეცნიერებანი;
• სოციალური მეცნიერებები;
• ჰუმანიტარული მეცნიერებანი;
• სამართალი;
• არქიტექტურა;
• საჯარო მმართველობა;
• მენეჯმენტი.

კონკურსის საბოლოო შედეგები 2016 წლის 15 ივლისისთვის გახდება ცნობილი.