სსიპ განათლების საერთაშორისო ცენტრში სომხეთის რესპუბლიკასთან აკადემიურ სფეროში თანამშრომლობის საკითხზე შეხვედრა გაიმართა
სსიპ განათლების საერთაშორისო ცენტრის აღმასრულებელი დირექტორი ნუნუ მიცკევიჩი საქართველოში სომხეთის რესპუბლიკის საელჩოს მრჩეველს, გევორგ ღარიბჯანიანს შეხვდა.
შეხვედრაზე სომხეთთან საპარტნიორო პროგრამის ფარგლებში თანამშრომლობის გაღრმავების პერსპექტივები და ახალი ინიციატივები განიხილეს.
სსიპ განათლების საერთაშორისო ცენტრი, სომხეთის რესპუბლიკასთან პარტნიორობით, ახორციელებს საერთაშორისო სასტიპენდიო გაცვლით პროგრამას, რომელიც საქართველოს განათლების, მეცნიერებისა და ახალგაზრდობის სამინისტროსა და სომხეთის რესპუბლიკის განათლებისა და მეცნიერების სამინისტროს შორის განათლებისა და მეცნიერების სფეროში თანამშრომლობის შესახებ მემორანდუმს ეფუძნება.
პროგრამის საშუალებით, საქართველოსა და სომხეთის მოქალაქეებისთვის, პარტნიორი ქვეყნის უნივერსიტეტების სამაგისტრო საფეხურზე სწავლის მიზნით, ყოველწლიურად 10-10 სტიპენდია გაიცემა.