განათლების საერთაშორისო ცენტრის წარმომადგენლებმა კარიერული განვითარების ბანაკში მიიღეს მონაწილეობა
სსიპ განათლების საერთაშორისო ცენტრის წარმომადგენლებმა მონაწილეობა მიიღეს „კარიერული განვითარების ბანაკი 2024“-ის ფარგლებში გამართულ საინფორმაციო შეხვედრაში.
პანელური დისკუსიის მთავარი თემა იყო სსიპ განათლების საერთაშორისო ცენტრის საქმიანობა და პროგრამები, რომელთა ფარგლებშიც, საქართველოს მოქალაქეებს შესაძლებლობა ეძლევათ, სახელმწიფოსა და პარტნიორი ქვეყნების მხარდაჭერით, განათლების მიღება მსოფლიოს წამყვან უნივერსიტეტებში გააგრძელონ და სწავლის დასრულების შემდეგ, შეძენილი ცოდნის რეალიზება საქართველოში მოახდინონ.
განათლების საერთაშორისო ცენტრის წარმომადგენლებმა შეხვედრის მონაწილეებს პროგრამების მიზნობრიობის, საკონკურსო პირობებისა და სხვა საჭირო პროცედურების შესახებ დეტალური ინფორმაცია მიაწოდეს.
პანელურ დისკუსიას საქართველოს სხვადასხვა უნივერსიტეტის სტუდენტები, ასევე, საერთაშორისო სასტიპენდიო პროგრამების: Fulbright, Erasmus Mundus-ის, Erasmus ICM-ის, Bilateral Exchange Programs, Global UGR AD -ის კურსდამთავრებულები ესწრებოდნენ.