29 ოქტომბერს, სსიპ განათლების საერთაშორისო ცენტრში საუნივერსიტეტო მხარდაჭერის პროგრამის ფარგლებში, პროექტის - „Doctorate Lab მომავალი დოქტორანტებისათვის“ - პირველი საინფორმაციო შეხვედრა შედგა. შეხვედრა საფრანგეთში სადოქტორო პროგრამებით დაინტერესებულ საქართველოს მოქალაქეებთან ფრანგული უნივერსიტეტების წარმომადგენლებმა ჩაატარეს, რომლებიც საქართველოში საფრანგეთის საელჩოსა და ,,კამპუს ფრანსის’’ მოწვევით ჩამოვიდნენ.
ღონისძიებას სხვადასხვა უმაღლესი სასწავლებლის 150-მდე კურსდამთავრებული დაესწრო, მათ მიიღეს ინფორმაცია საფრანგეთის უმაღლეს სასწავლებლებში დოქტურანტურის საფეხურზე არსებული შესაძლებლობების, გამოწვევებისა და ინოვაციების შესახებ.
„Doctorate Lab’’-ის ფარგლებში, მეორე და მესამე ეტაპებზე, პარტნიორი საელჩოების მხარდაჭერით, დაგეგმილია საინფორმაციო შეხვედრები უნგრეთისა და იტალიის უნივერსიტეტების წარმომადგენლებთანაც