14 დეკემბერს, 13:00 საათზე, ცენტრის ოფიციალურ გვერდზე სოციალურ ქსელში ჩაირთვება მორიგი საკონსულტაციო ,,Facebook Live’’ სასტიპენდიო პროგრამებით დაინტერესებულთათვის.
ლაივის მიმდინარეობისას უნგრეთის ელჩის მოადგილე საქართველოში - გაბორ მიკეში, ასევე განათლების საერთაშორისო ცენტრის პროგრამული სამსახურისა და უნგრეთის კურსდამთავრებულთა ასოციაციის წარმომადგენლები დეტალურად განმარტავენ სასტიპენდიო კონკურსის მიზნებსა თუ პროცედურებს და უპასუხებენ კონკურსანტების შეკითხვებს.
შეგახსენებთ, რომ უნგრეთში სასტიპენდიო პროგრამის ,,Stipendium Hungaricum’’-ის ფარგლებში განაცხადების მიღება დაიწყო 2022 წლის 15 ნოემბრიდან და გაგრძელდება 2023 წლის 16 იანვრამდე. პროგრამას განათლების საერთაშორისო ცენტრი უნგრეთის საელჩოს მხარდაჭერით 2017 წლიდან უწევს ადმინისტრირებას.
პროგრამებით დაინტერესებულ აპლიკანტებს ასევე შეუძლიათ ონლაინ კონსულტაციის გავლა ფეისბუქ-გვერდისა და ელექტრონული ფოსტის info-iec@iec.gov.ge მეშვეობით. სამუშაო საათებში აქტიურია ცენტრის სატელეფონო საკონსულტაციო ხაზი - ნომერზე: 032 297 01 97.
ხოლო ყოველ ხუთშაბათს, 14:00 საათიდან 16:00 საათამდე კონსულტაციის გავლა შესაძლებელია სსიპ განათლების საერთაშორისო ცენტრში მისამართზე: თბილისი, ილია ჭავჭავაძის გამზირი N7, II სართული.