ახალი კორონავირუსის ინფექციის (COVID-19) შესაძლო გავრცელების პრევენციასთან დაკავშირებით, განათლების საერთაშორისო ცენტრში, მარტის თვეში, სასტიპენდიო კონკურსების შესახებ დაგეგმილი საჯარო/საინფორმაციო შეხვედრები აღარ გაიმართება. შეხვედრების ნაცვლად, ცენტრის ადმინისტრაცია პროგრამებით დაინტერესებული აპლიკანტებისთვის უზრუნველყოფს ონლაინ-კონსულტაციას ფეისბუქ-ლაივის მეშვეობით.
ფეისბუქ-ლაივი დაიწყება ხუთშაბათს, 12 მარტს, 13:00 საათზე. თუ გაქვთ შეკითხვები მიმდინარე პროგრამებთან დაკავშირებით, LIVE-ჩართვის მეშვეობით შეგიძლიათ დააზუსტოთ თქვენთვის საინტერესო ინფორმაცია. ცენტრის წარმომადგენლები პირდაპირი ეთერის ფორმატში უპასუხებენ თქვენს შეკითხვებს.
ინფორმაციის შეუფერხებლად მიღების მიზნით, მოქმედებს სატელეფონო და ონლაინ საკონსულტაციო რეჟიმიც ნომერზე: 2 97 01 97, ფეისბუქ-გვერდსა და ელექტრონულ ფოსტაზე: info-iec@iec.gov.ge;
პროგრამების შესახებ დამატებითი ინფორმაცია ეტაპობრივად გავრცელდება ცენტრის ვებგვერდზე.