სიახლეები

 

განათლების საერთაშორისო ცენტრის აღმასრულებელი დირექტორი ნუნუ მიცკევიჩი ბუდაპეშტში ქართველ სტუდენტებს შეხვდა

321
  • 24 ნოემბერი 2023
განათლების საერთაშორისო ცენტრის აღმასრულებელი დირექტორი ნუნუ მიცკევიჩი ბუდაპეშტში ქართველ სტუდენტებს შეხვდა

განათლების საერთაშორისო ცენტრის ორგანიზებითა და უნგრეთში საქართველოს საელჩოს მხარდაჭერით, ბუდაპეშტში ქართველ სტუდენტებთან შეხვედრა გაიმართა.

შეხვედრაში განათლების საერთაშორისო ცენტრის აღმასრულებელი დირექტორი ნუნუ მიცკევიჩი, საქართველოს ელჩი უნგრეთსა და მონტენეგროში თამარ ლილუაშვილი და ის ქართველი სტუდენტები მონაწილეობდნენ, რომლებიც უნგრეთის უნივერსიტეტებში „სტიპენდიუმ ჰუნგარიკუმის“ პროგრამის ფარგლებში სწავლობენ ან სწავლის შემდგომ კვალიფიკაციის ამაღლების მიზნით მუშაობენ.

შეხვედრა ინტერაქციულ რეჟიმში წარიმართა. შეხვედრაზე განსაკუთრებული ყურადღება გამახვილდა ქართველი სტუდენტების კარიერული განვითარების ხელშეწყობის და ქვეყანაში დაბრუნების შემდგომ დასაქმების საკითხებზე.

განათლების საერთაშორისო ცენტრის აღმასრულებელმა დირექტორმა ისაუბრა ახალ ინიციატივაზე, რომლის თანახმად, უნგრეთის სტიპენდიის  მქონე წარმატებულ სტუდენტებს შესაძლებლობა მიეცემათ, განაცხადი გააკეთონ სახელმწიფო სტიპენდიაზე და  საქართველოს მხრიდან, ყოველ აკადემიურ წელს, ფინანსური მხარდაჭერა მიიღონ.

 

განათლების საერთაშორისო ცენტრი უნგრეთის მთავრობის სასტიპენდიო პროგრამასთან - „Stipendium Hungaricum” 2017 წლიდან მჭიდროდ თანამშრომლობს. 2017-2023 წლებში, აღნიშნული პროგრამის ფარგლებში, უნგრეთში სწავლა 348 ქართველ სტუდენტს დაუფინანდა.

ამჟამად, უმაღლესი განათლების სხვადასხვა საფეხურზე, უნგრეთში საქართველოს 143 მოქალაქე სწავლობს.

Print
Categories: yvela siaxle
Tags:
Rate this article:
No rating

x
«თებერვალი 2024»
ორშსამოთხხუთპარშაბკვი
2930311234
5
განათლების საერთაშორისო ცენტრში 2023 წლის კურსდამთავრებულებთან შეხვედრა გაიმართა

განათლების საერთაშორისო ცენტრში 2023 წლის კურსდამთავრებულებთან შეხვედრა გაიმართა

სსიპ განათლების საერთაშორისო ცენტრის ორგანიზებით, 2023 წლის იმ კურსდამთავრებულებთან, რომლებმაც ცენტრის მხარდაჭერით განათლება უცხოეთში მიიღეს, დასაქმებისა და კარიერული განვითარების ხელშეწყობის საკითხებზე სამუშაო შეხვედრა გაიმართა.

Read more
67891011
12131415161718
19202122232425
26272829123
45678910