სიახლეები

 

განათლების საერთაშორისო ცენტრის აღმასრულებელმა დირექტორმა „სტიპენდიუმ ჰუნგარიკუმის“ პარტნიორების საერთაშორისო კონფერენციაში მიიღო მონაწილეობა

493
  • 22 ნოემბერი 2023
განათლების საერთაშორისო ცენტრის აღმასრულებელმა დირექტორმა „სტიპენდიუმ ჰუნგარიკუმის“ პარტნიორების საერთაშორისო კონფერენციაში მიიღო მონაწილეობა

საქართველოს განათლებისა და მეცნიერების სამინისტროს სსიპ განათლების საერთაშორისო ცენტრის აღმასრულებელმა დირექტორმა, ნუნუ მიცკევიჩმა, 20-22 ნოემბერს, უნგრეთის დედაქალაქ ბუდაპეშტში გამართულ „სტიპენდიუმ ჰუნგარიკუმის“ პარტნიორების საერთაშორისო კონფერენციაში მიიღო მონაწილეობა.

 

პლენარულ სხდომაზე სიტყვით გამოსვლისას განათლების საერთაშორისო ცენტრის აღმასრულებელმა დირექტორმა საქართველოსა და უნგრეთს შორის განათლების მიმართულებით არსებულ მჭიდრო თანამშრომლობაზე ისაუბრა და კოლეგებს წარმატებული პარტნიორობის შედეგები გაუზიარა.

 

განათლების საერთაშორისო ცენტრის წარმომადგენლებმა ასევე მიიღეს მონაწილეობა პანელურ სესიებზე და წარსდგნენ მოხსენებებით უნგრეთის სტიპენდიების კანდიდატთა შესარჩევი კონკურსის და ნომინირების პროცედურებთან დაკავშირებით. ცალკე პანელი დაეთმო კურსდამთავრებულთა აქტივობებს და მათ ჩართულობას პროგრამის ცნობადობის გაზრდის მიმართულებით.

 

კონფერენციას განათლების სფეროში უნგრეთის პარტნიორი ორგანიზაციებისა და უმაღლესი საგანმანათლებლო დაწესებულებების წარმომადგენლები, ასევე, დარგის ექსპერტები ესწრებოდნენ. კონფერენციის მონაწილეებმა „სტიპენდიუმ ჰუნგარიკუმის“ პროგრამის ბოლო 10 წლის მიღწევები შეაჯამეს. 

 

განათლების საერთაშორისო ცენტრი უნგრეთის მთავრობის სასტიპენდიო პროგრამასთან - „Stipendium Hungaricum” 2017 წლიდან თანამშრომლობს. აღნიშნული პროგრამა უნგრეთსა და პარტნიორი ქვეყნების განათლების სფეროზე პასუხისმგებელ უწყებებს შორის გაფორმებულ ორმხრივ შეთანხმებებს ეფუძნება. პროგრამის ფარგლებში, ფინანსდება უმაღლესი განათლების საბაკალავრო, სამაგისტრო, სადოქტორო და ინტეგრირებული მაგისტრატურის საფეხურები.

Print
Categories: yvela siaxle
Tags:
Rate this article:
No rating

x
«მაისი 2024»
ორშსამოთხხუთპარშაბკვი
293012
განათლების საერთაშორისო ცენტრსა და საქართველოს ადგილობრივ თვითმართველობათა ეროვნულ ასოციაციას შორის თანამშრომლობის მემორანდუმი გაფორმდა

განათლების საერთაშორისო ცენტრსა და საქართველოს ადგილობრივ თვითმართველობათა ეროვნულ ასოციაციას შორის თანამშრომლობის მემორანდუმი გაფორმდა

რეგიონებში განათლების ინტერნაციონალიზაციის გაძლიერების მიზნით, სსიპ განათლების საერთაშორისო ცენტრსა და საქართველოს ადგილობრიც თვითმმართველობათა ეროვნულ ასოციაციას შორის თანამშრომლობის მემორანდუმი გაფორმდა. მემორანდუმს ხელი მოაწერეს განათლების საერთაშორისო ცენტრის აღმასრულებელმა დირექტორმა, ნუნუ მიცკევიჩმა და საქართველოს ადგილობრივ თვითმართველობათა ეროვნული ასოციაციის აღმასრულებელმა დირექტორმა, ნინო რუხაძემ.

Read more
345
6789101112
13141516171819
20212223242526
272829303112
3456789