დასრულდა კონკურსი განათლების საერთაშორისო ცენტრის მიერ გამოცხადებულ ხუთ სასტიპენდიო პროგრამაზე. განათლების საერთაშორისო ცენტრი ულოცავს გამარჯვებულებს და წარმატებას უსურვებს მათ სწავლის შემდეგ საფეხურზე!
- საერთაშორისო სამაგისტრო პროგრამები 2019-2020 - 40 გამარჯვებული
- საერთაშორისო სადოქტორო პროგრამები 2019-2020 - 1 გამარჯვებული
- საერთაშორისო სახელოვნებო აკადემიური პროგრამები 2019-2020 - 5 გამარჯვებული
- საზღვარგარეთ კვალიფიკაციის ამაღლების პროგრამა 2019 - 9 გამარჯვებული
- სასტიპენდიო პროგრამები უნგრეთში („Stipendium Hungaricum“) 2019-2020 - 48 გამარჯვებული
საკონკურსო პერიოდში დარეგისტრირდა 983 აპლიკანტი, 103 კი შეირჩა საკონკურსო პროცესში. (იხ. ბმული: http://iec.gov.ge/4364). მომდევნო აკადემიური წლისათვის სწავლა ასევე დაუფინანსდება ცენტრის 40-მდე მიმდინარე გრანტის მფლობელს.
მიმდინარე ოთხი სასტიპენდიო პროგრამის კონკურსში გამარჯვებულთა სია ეტაპობრივად გამოქვეყნდება ცენტრის ვებგვერდზე. ეს პროგრამებია:
- სამაგისტრო პროგრამები საფრანგეთში 2019-2020 (7 სტიპენდიატი)
- აკადემიური პროგრამები იტალიაში 2019-2020 (5 სტიპენდიატი)
- აკადემიური პროგრამები სან - დიეგოს სახელმწიფო უნივერსიტეტში 2019-2020 (5 სტიპენდიატი)
- ფულბრაიტის სამაგისტრო სასტიპენდიო პროგრამა 2019-2020 (10 სტიპენდიატი)
საერთო ჯამში 2019-2020 სასწავლო წელს ცენტრი გასცემს 170-მდე სტიპენდიას, რის შედეგადაც, 2014-2019 წლების მონაცემების გათვალისწინებით, ცენტრის მიერ გაცემული სტიპენდიების რაოდენობა 850-მდე მიაღწევს.
მოახმარე შენი ცოდნა საქართველოს!