განათლების საერთაშორისო ცენტრის სტიპენდია საზღვარგარეთ სასწავლებლად კიდევ 10-მა სტუდენტმა მოიპოვა.
10-დან 8 სტიპენდიანტმა დაფინანსება საერთაშორისო სამაგისტრო და სადოქტორო პროგრამის ფარგლებში მოიპოვა, ხოლო 2-მა - საჯარო დაწესებულებებში დასაქმებულ პირთა კვალიფიკაციის ამაღლებისა და გადამზადების პროგრამის ფარგლებში.
სასტიპენდიო კონკურსზე პრიორიტეტული მიმართულებები იყო აგრარული მეცნიერებები, განათლება, ინჟინერია, მეცნიერებები/საბუნებისმეტყველო და სოციალური მეცნიერებები და ჰუმანიტარული მეცნიერებები.
სტუდენტები, რომლებმაც კონკურსის ეტაპები წარმატებით გადალახეს, ცენტრის დაფინანსებით სწავლას მსოფლიოს წამყვან უნივერსიტეტებში დოქტურანტურისა და მაგისტრატურის საფეხურებზე გააგრძელებენ.
განათლების საერთაშორისო ცენტრი საბუთების მიღებას 3 ნოემბრიდან 19 დეკემბრამდე აწარმოებდა. ეს იყო პირველი კონკურსი 2015-2016 სასწავლო წლის ადრეული ჩარიცხვის მქონე სტუდენტებისთვის.
განათლების საერთაშორისო ცენტრი მორიგ სასტიპენდიო კონკურსს გაზაფულზე გამოცხადებს - საზღვარგარეთ სასწავლებლად სახელმწიფო სტიპენდიის მოპოვების მსურველებს საბუთების შეტანა 20 მარტიდან 15 მაისის ჩათვლით შეეძლებათ.