სიახლეები

 

განათლების საერთაშორისო ცენტრსა და დუბლინის საუნივერსიტეტო კოლეჯს შორის მემორანდუმი გაფორმდა

1987
  • 1 დეკემბერი 2016
განათლების საერთაშორისო ცენტრსა და დუბლინის საუნივერსიტეტო კოლეჯს შორის მემორანდუმი გაფორმდა
ირლანდიაში საქართველოს საქმეთა დროებითმა რწმუნებულმა გიორგი ზურაბაშვილმა და დუბლინის საუნივერსიტეტო კოლეჯის პრეზიდენტმა ენდრიუ დიკსმა, სსიპ განათლების საერთაშორისო ცენტრსა და დუბლინის საუნივერსიტეტო კოლეჯს შორის ურთიერთთანამშრომლობის მემორანდუმს მოაწერეს ხელი.
დუბლინის საუნივერსიტეტო კოლეჯში მემორანდუმის ხელმოწერამდე გაიმართა გიორგი ზურაბაშვილის შეხვედრა ენდრიუ დიკსთან, რომელსაც ასევე ესწრებოდა ინჟინერიისა და არქიტექტურის სკოლის დირექტორი დევიდ ფიცპატრიკი. 
საქართველოს საქმეთა დროებითმა რწმუნებულმა მემორანდუმს განათლების მიმართულებით საქართველო-ირლანდიის თანამშრომლობაში მნიშვნელოვანი წინგადადგმული ნაბიჯი უწოდა და გამოთქვა იმედი, რომ დუბლინის საუნივერსიტეტო კოლეჯში, რომელიც ირლანდიასა და ევროპაში ერთ-ერთი წამყვანი უმაღლესი საგანმანათლებლო დაწესებულებაა, ბევრი ნიჭიერი ქართველი სტუდენტი დაეუფლება სასურველ სპეციალობას, გაიღრმავებს ცოდნას და მიიღებს ღირებულ პროფესიულ გამოცდილებას.
”აღსანიშნავია, რომ განათლების საერთაშორისო ცენტრსა და დუბლინის საუნივერსიტეტო კოლეჯს შორის გაფორმებული ურთიერთთანამშრომლობის მემორანდუმი ითვალისწინებს მნიშვნელოვან ფინანსურ შეღავათებს სსიპ განათლების საერთაშორისო ცენტრის მიერ დაფინანსებული იმ სტუდენტებისათვის, რომლებიც დუბლინის საუნივერსიტეტო კოლეჯში სამაგისტრო და სადოქტორო პროგრამებზე ჩაირიცხებიან.
Print
Categories: yvela siaxle
Tags:
Rate this article:
No rating

x
«თებერვალი 2025»
ორშსამოთხხუთპარშაბკვი
272829303112
3456789
10111213141516
17181920212223
242526272812
3456789