განათლების საეთაშორისო ცენტრის ორგანიზებით სასტიპენდიო პროგრამების კომისიის წევრებთან და ცენტრის თანამშრომლებთან გასვლითი სამუშაო შეხვედრები გაიმართა. სემინარზე კონსულტაციისა და ტრენინგის ცენტრის (CTC) ტრენერებთან ერთად განხილული იქნა შემდეგი საკითხები: შეფასების სისტემის სიახლეები, 2017 წლის საკონკურსო პროგრამების ახალი პროფილი, შეფასების პროცესი და პროცედურები, უმაღლესი განათლების ინტერნაციონალიზაცია და არსებული გამოწვევები, ინტერნაციონალიზაცია და აკადემიური სივრცის დაკვეთა, საერთაშორისო გამოცდილების განხილვა და გაზიარება. ორდღიან ტრენინგზე განათლების საერთაშორისო ცენტრის აღმასრულებელმა დირექტორმა ნინო ჭელიძემ კომისიის წევრებს „საუნივერსიტეტო მხარდაჭერის პროგრამის“ დეტალურად გააცნო და ამ პროგრამის აკადემიური სივრცის დაკვეთასთან თავსებადობის შესახებ ისაუბრა.