3 აპრილს აჭარის ავტონომიურ რესპუბლიკაში საქართველოს პრემიერ-მინისტრის სამუშაო შეხვედრების პარალელურად, მთავრობის კანცელარიის უფროსის მოადგილე ნინო კობახიძე ბათუმის შოთა რუსთაველის სახელმწიფო უნივერსიტეტის სტუდენტებს შეხვდა.
კობახიძემ სტუდენტებს განათლების სფეროში პრემიერის ინიციატივები გააცნო: პრემიერ-მინისტრის ინიციატივეი საერთაშორისო განათლების ცენტრის შექმნას, საჯარო სამსახურში წარჩინებული სტუდენტების სტაჟირებისა და პრაქტიკის დანრეგვასა და რეგიონიდან ჩამოსული მაღალი აკადემიური მოსწრების, ხელმოკლე სტუდენტებისთვის საერთო საცხოვრებლის აშენებას გულისხმობს. პრემიერის ინიციატივებმა ბათუმის სახელმწიფიფო უნივერსიტეტის სტუდენტებში ინტერესი გამოიწვია.
პრეზენტაციას ბათუმის შოთა რუსთაველის უნივერსიტეტის 200-მდე სტუდენტი დაესწრო. სტუდენტებმა ნინო კობახიძეს შეხვედრისთვის მადლობა გადაუხადეს და განაცხადეს, რომ პრემიერ-მინისტრის ინიციატივები სტუდენტებს დამატებით სტიმულსა და მოტივაციას აძლევს.
პრემიერის ინიციატივების წარდგენის შემდეგ მტავრობის კანცელარიის ხელმძღვანელის მოადგილემ სტუდენტების შეკითხვებსაც უპასუხა.