სიახლეები

 

ონლაინ-კონფერენცია უნგრეთში სასტიპენდიო კონკურსით დაინტერესებულთათვის

1189
  • 4 დეკემბერი 2020
ონლაინ-კონფერენცია უნგრეთში სასტიპენდიო კონკურსით დაინტერესებულთათვის

8 დეკემბერს, 11:00 საათზე, უნგრეთში სასტიპენდიო პროგრამების კონკურსის (,,Stipendium Hungaricum’’) თემაზე ონლაინ-კონფერენცია  ჩატარდება.

კონფერენციის ორგანიზატორები არიან: სსიპ განათლების საერთაშორისო ცენტრი და უნგრეთის საელჩო საქართველოში.

2021-2022 სასწავლო წლის კონკურსი უნგრეთის უმაღლეს სასწავლებლებში საბაკალავრო, სამაგისტრო და სადოქტორო საფეხურზე სწავლის მსურველი საქართველოს მოქალაქეებისთვის - განათლების საერთაშორისო ცენტრმა უკვე გამოაცხადა. აპლიკაციები ელექტრონულად, სპეციალური ონლაინ-სისტემის მეშვეობით მიიღება. სასტიპენდიო პროგრამას - ,,Stipendium Hungaricum’’ - განათლების საერთაშორისო ცენტრი უნგრეთის საელჩოს მხარდაჭერით ახორციელებს.

კონფერენციის მიმდინარეობისას ცენტრისა და საელჩოს წარმომადგენლები ისაუბრებენ პროგრამის მიზნების, ამოცანებისა თუ სააპლიკაციო პროცედურების შესახებ და უპასუხებენ აპლიკანტების შეკითხვებს.

თუ გაქვთ შეკითხვები მიმდინარე პროგრამებთან დაკავშირებით, გსურთ, სააპლიკაციო სხვადასხვა შინაარსობრივი თუ ტექნიკური საკითხების დაზუსტება, კონფერენციაზე შესაძლებლობა მოგეცემათ კონსულტაცია გაიაროთ უშუალოდ პროგრამის კოორდინატორებთან და უნგრეთის საელჩოს წარმომადგენლებთან - ინტერაქტიულ, კითხვა-პასუხის ფორმატში.

კონფერენციის მონაწილეობის მსურველებმა აუცილებელია, არაუგვიანეს 7 დეკემბრის 18:00 საათისა, მოგვწერონ ელექტრონულ ფოსტაზე: info-iec@iec.gov.ge, შემდეგი ინფორმაცია:

  • მონაწილის სახელი, გვარი;
  • საკონტაქტო ელექტრონული ფოსტა;
  • საკონტაქტო ტელეფონის ნომერი;
  • რომელ აკადემიურ საფეხურზე გეგმავს მონაწილე უნგრეთში სწავლის გაგრძელებას (საბაკალავრო, სამაგისტრო თუ სადოქტორო);
  • წერილში მიუთითეთ დანიშნულება (subject): ონლაინ-კონფერენცია.
  •  

შეგახსენებთ, რომ სასტიპენდიო კონკურსთან დაკავშირებული ინფორმაციის შეუფერხებლად მიღების მიზნით, მოქმედებს სატელეფონო და ონლაინ საკონსულტაციო რეჟიმიც ნომერზე: 2 97 01 97, ფეისბუქ-გვერდსა და ელექტრონულ ფოსტაზე: info-iec@iec.gov.ge

Print
Categories: yvela siaxle
Tags:
Rate this article:
No rating

x
«მარტი 2021»
ორშსამოთხხუთპარშაბკვი
22232425262728
1234567
891011121314
15161718192021
22232425262728
2930311234