4 და 5 ნოემბერს, განათლების საერთაშორისო ცენტრში, კურსდამთავრებულთა ასოციაციის მცირე საგრანტო კონკურსის მონაწილეებთან შედგა შეხვედრები. კონკურსი ასოციაციამ ცენტრის მხარდაჭერით, მიმდინარე წლის სექტემბერში გამოაცხადა. საკონკურსო კომისიამ წარმოდგენილ საპროექტო წინადადებებს შორის 9 საუკეთესო პროექტი შეარჩია, რომელთა განხორციელება უახლოეს მომავალში დაიწყება.
მცირე საგრანტო პროგრამის მიზანი კურსდამთავრებულთა მიერ ახალგაზრდული, საზოგადოებრივი და აკადემიურ-საგანმანათლებლო პროექტების განხორციელების ხელშეწყობაა.
მცირე საგრანტო პროგრამაში მონაწილეობენ ასოციაციის წევრები (წევრთა ჯგუფები), რომლებმაც ცენტრის სასტიპენდიო პროგრამების ფარგლებში მოიპოვეს დაფინანსება, დაასრულეს სწავლა და გახდნენ კურსდამთავრებულთა ასოციაციის წევრები.