საინფორმაციო შეხვედრები

განათლების საერთაშორისო ცენტრის,  საფრანგეთის საელჩოსა  და კამპუს ფრანსის წარმომადგენლებმა რეგიონული უნივერსიტეტების სტუდენტებთან საინფორმაციო შეხვედრები გამართეს. 
შეხვედრები შემდეგი განრიგით გაიმართა.

• აკაკი წერეთლის სახელმწიფო უნივერსიტეტი, ქუთაისი - 17 იანვარი;
• ბათუმის შოთა რუსთაველის სახელობის უნივერსიტეტი - 18 იანვარი;
• იაკობ გოგებაშვილის სახელობის თელავის სახელმწიფო უნივერსიტეტი - 23 იანვარი;

აღნიშნულ შეხვედრებზე დაინტერესებულმა სტუდენტებმა ინფორმაცია მიიღეს განათლების საერთაშორისო ცენტრის საქმიანობისა და სასტიპენდიო პროგრამა „სამაგისტრო პროგრამები საფრანგეთში 2017-2018“ - ის შესახებ. ეს  პროგრამა პირველად 2016 წელს ამოქმედდა და საქართველოს 16 მოქალაქე უკვე სწავლობს საფრანგეთის სხვადასხვა უმაღლეს სასწავლებელში.

სასტიპენდიო პროგრამის „სამაგისტრო პროგრამები საფრანგეთში 2017-2018“ მიზანია საშუალება მისცეს საქართველოს ახალგაზრდობას საფრანგეთში მიიღოს საერთაშორისოდ აღიარებული აკადემიური მაგისტრის ხარისხი როგორც ფრანგულენოვან, ასევე ინგლისურენოვან სამაგისტრო პროგრამებზე სწავლის შედეგად.

სსიპ განათლების საერთაშორისო ცენტრი,  საფრანგეთის საელჩო საქართველოში და კამპუსს ფრანსი ერთობლივ დააფინანსებენ პროგრამის ფარგლებში გამარჯვებულ კონკურსანტებს. სწავლის დასრულების შემდგომ კურსდამთავრებულები საქართველოში დაბრუნდებიან და მოღვაწეობას განაგრძობენ შესაბამის სფეროში 3 წლის ვადით.  ასევე, ცენტრის მიერ შეთავაზების შემთხვევაში ითანამშრომლებენ საქართველოს  საგანმანათლებლო დაწესებულებებთან.

2017- 2018 სასწავლო წელს პროგრამის განხორციელების შედეგად საქართველოს 15-მდე მოქალაქე  შეძლებს საფრანგეთში, აღნიშნული სასტიპენდიო პროგრამის ფარგლებში პრიორიტეტულად განსაზღვრული მიმართულების/სპეციალობის მაგისტრის ხარისხის მოპოვებას და მიღებული ცოდნის საქართველოში რეალიზებას.

ელ.  განაცხადები მიიღება 2017 წლის 1 თებერვლიდან - 1 მარტის  ჩათვლით.