სასტიპენდიო კონკურსი ჩეხეთის მოქალაქეებისთვის
განათლების საერთაშორისო ცენტრი 2022 სასწავლო წლისთვის აცხადებს სასტიპენდიო კონკურსს ჩეხეთის მოქალაქეებისთვის.
აღნიშნული პროგრამა ითვალისწინებს ჩეხეთის მოქალაქეების დაფინანსებას საქართველოში მოკლე და საშუალო ვადიან საგანმანათლებლო კურსებზე, ასევე საზაფხულო სკოლებსა და კვლევებში მონაწილეობის მიღების მიზნით.
კონკურსანტთა განაცხადები მიიღება: 2022 წლის 16 მაისიდან 2022 წლის 30 ივნისის ჩათვლით (თბილისის დროით 21:00 საათი).
კონკურსანტებმა რეგისტრაცია უნდა გაიარონ ელექტრონულად განათლების საერთაშორისო ცენტრის სააპლიკაციო სისტემაში - www.iec.gov.ge.
უფრო ვრცლად საკონკურსო პროცედურებისა თუ წარმოსადგენი დოკუმენტაციის შესახებ მიმართეთ განათლების საერთაშორისო ცენტრის პროგრამულ სამსახურს ელექტრონულ ფოსტაზე: info-iec@iec.gov.ge ან იხილეთ პროგრამის აღწერა.