განათლების საერთაშორისო ცენტრის ადმინისტრაციის განცხადება
იმ აპლიკანტებისთვის, რომელთაც ვერ გადალახეს, 2016-2017 სასწავლო წლისთვის საზღვარგარეთ სამაგისტრო და სადოქტორო პროგრამებსა და სახელმწიფო დაწესებულებაში დასაქმებულ პირთათვის კვალიფიკაციის ამაღლების პროგრამების კონკურსის პირველი - ელექტრონული განაცხადისა და შესაბამისი დოკუმენტაციის ადმინისტრაციული (ფორმალური) შემოწმება და მეორე - ხარისხობრივი შეფასების ეტაპები, განათლების საერთაშორისო ცენტრის ადმინისტრაცია დეტალური ინფორმაციის მისაწოდებლად საინფორმაციო შეხვედრებს გამართავს.
შეხვედრას დაესწრებიან ცენტრის პროგრამების სამსახურის თანამშრომლები და ექსპერტი - მარიო შუტცე - (გერმანელი იურისტი, კიოლნის უნივერსიტეტისა და ივანე ჯავახიშვილის სახელობის თბილისის სახელმწიფო უნივერსიტეტის საერთო სამაგისტრო პროგრამის კოორდინატორი საქართველოში. 2014 წლიდან დასაქმებულია თბილისის საქალაქო და სააპელაციო სასამართლოებში მრჩევლის პოზიციაზე), რომელიც აპლიკანტებს იურიდიულ კონსულტაციას გაუწევს.
შეხვედრების განრიგი :
- 12 ივლისი -14:00 -17:00 საათამდე, შეხვედრების ოთახი # 4, მესამე სართული;
- 13 ივლისი -14:00 -17:00 საათამდე, შეხვედრების ოთახი # 4, მესამე სართული;
მის: თბილისი, ინგოროყვას ქ#7 ( საქართველოს მთავრობის ადმინისტრაცია);
საინფორმაციო შეხვედრაზე დასასწრებად, გთხოვთ, წინასწარ გამოგვიგზავნოთ სახელი, გვარი, პირადი ნომერი და თქვენთვის ხელსაყრელი თარიღი, შემდეგ ელ - ფოსტაზე: IECMEETINGS@IEC.GOV.GE