მემორანდუმი განათლების საერთაშორისო ცენტრსა და „რისკების მართვისა და სადაზღვევო კომპანია გლობალ ბენეფიტს ჯორჯია“ -ს შორის
30 ივნისს განათლების განათლების საერთაშორისო ცენტრსა და „რისკების მართვისა და სადაზღვევო კომპანია გლობალ ბენეფიტს ჯორჯია“-ს შორის ურთიერთთანამშრომლობის მემორანდუმი გაფორმდა.
მემორანდუმის მიზანია კომპანიის მიერ ცენტრის საქმიანობისა და მისიის ხელშეწყობა და ცენტრის ბენეფიციარებისთვის საერთაშორისო სტუდენტური დაზღვევის ექსკლუზიური პირობების შეთავაზება.
ასევე, წლის განმავლობაში, კომპანია ყოველწლიურად უზრუნველყოფს რამდენიმე სტუდენტის დაფინანსებას უცხოეთში უმაღლესი განათლების მიღების მიზნით. კომპანიის მიერ დასაფინანსებელი სტუდენტების რაოდენობა და სპეციალობები განისაზღვრება განათლების საერთაშორისო ცენტრთან შეთანხმებით.
მემორანდუმს ხელი მოაწერეს განათლების საერთაშორისო ცენტრის აღმასრულებელმა დირექტორმა ნინო ჭელიძემ და სადაზღვევო კომპანია „გლობალ ბენეფიტს ჯორჯია“-ს გენერალურმა დირექტორმა ნინო კობახიძემ.