შეხვედრა ამერიკული უნივერსიტეტების წარმომადგენლებთან

24 ოქტომბერს განათლების საერთაშორისო ცენტრის აღმასრულებელი დირექტორი ნინო ჭელიძე EducationUSA -სა (ა.შ.შ-ის მთავრობის საგანმანათლებლო ქსელი) და საერთაშორისო განათლების ცენტრის ორგანიზებით დაგეგმილი ამერიკული უნივერსიტეტების მე-7 ყოველწლიური გამოფენის მონაწილეებს შეხვდა. შეხვედრას ესწრებოდნენ ამერიკული კოლეჯებისა და უნივერსიტეტების წარმომადგენლები (Adelphi University, Diablo Valley College, John Cabot University, Monroe College,  North American University, Syracuse University, University of Colorado Boulder, San Diego State University (San Diego, CA &georgia).

ნინო ჭელიძემ მათ განათლების საერთაშორისო ცენტრის მისია, პროგრამები და სამომავლო გეგმები გააცნო. შეხვედრამ კითხვა-პასუხის რეჟიმში ჩაიარა. ამერიკული საგანმანათლებლო დაწესებულებების წარმომადგენლების მხრიდან ცენტრის საქმიანობამ  დიდი მოწონება და ინტერესი გამოიწვია.