ონლაინ-კონსულტაცია სასტიპენდიო პროგრამებით დაინტერესებულთათვის

მათთვის, ვინც დაინტერესებულია განათლების საერთაშორისო ცენტრის მიმდინარე სასტიპენდიო პროგრამებით, მაგრამ ვერ ახერხებს საინფორმაციო შეხვედრებზე დასწრებას, სატელეფონო და ელექტრონული კონსულტაციის გარდა, შესაძლებელია სასურველი ინფორმაციის LIVE-ჩართვის მეშვეობით მიღება.

ონლაინ-ჩართვა ცენტრის ფეისბუქ გვერდზე დაიწყება ხუთშაბათს, 7 მარტს, 12:00 საათზე.

ჩართვის დროს, პირდაპირი ეთერის ფორმატში, ცენტრის პროგრამული სამსახურის წარმომადგენლები დაინტერესებულ საზოგადოებას გამოცხადებული სასტიპენდიო კონკურსების შესახებ მიაწვდიან ინფორმაციას და მათ შეკითხვებსაც უპასუხებენ.

საკონსულტაციო ჩართვისთვის თვალყურის დევნება შესაძლებელია შემდეგ ბმულზე:

https://www.facebook.com/iec.gov.ge/ (ცენტრის ოფიციალური გვერდი სოციალურ ქსელში).

შეგახსენებთ, რომ ამჟამად ცენტრში მიმდინარეობს განაცხადების მიღება შემდეგ სასტიპენდიო პროგრამებზე:

• საერთაშორისო სამაგისტრო პროგრამები 2019-2020 
• საერთაშორისო სადოქტორო პროგრამები 2019-2020
• საერთაშორისო სახელოვნებო აკადემიური პროგრამები 2019-2020