განათლების საერთაშორისო ცენტრის ადმინისტრაციის შეხვედრა აშშ-ის კოლეჯებისა და უნივერსიტეტების წარმომადგენელებთან
განათლების საერთაშორისო ცენტრის ადმინისტრაცია აშშ-ის კოლეჯებისა და უნივერსიტეტების წარმომადგენლებს შეხვდა.
აშშ-ის 20-ზე მეტი კოლეჯისა და უნივერსიტეტის წარმომადგენელი ამერიკული უნივერსიტეტების მე-6 ყოველწლიურ გამოფენაზე დასასწრებად არის ჩამოსული. აღნიშნულ საგანმანათლებლო გამოფენაში მონაწილეობას განათლების საერთაშორისო ცენტრიც მიიღებს, რათა დაინტერესებულ ახალგაზრდებს ცენტრის საქმიანობის შესახე ინფორმაცია მიაწოდოს. გამოფენა ორგანიზებულია საერთაშორისო განათლების ცენტრისა და Education USA - განათლება ამერიკაში ქსელის მიერ, საქართველოში ამერიკის საელჩოსა და ამერიკული საბჭოების მხარდაჭერით.
შეხვედრაზე განათლების საერთაშორისო ცენტრის ადმინისტრაციამ ამერიკული უნივერსიტეტების წარმომადგენლებს ცენტრის სიახლეები და პროგრამები გააცნო და პარტნიორი უნივერსიტეტების სასტიპენდიო პროგრამის ფარგლებში მათთან სამომავლო თანამშრომლობის გეგმა დასახა.